गाउ-गाउ डुल्नुको मजा !!!

पछिल्लो समय विभिन्न सामाजिक कामहरुमा सक्रिय लियो क्लव अफ धादिङ नीलकण्ठ र लायन्स क्लव अफ धादिङ नीलकण्ठको संयुक्त आयोजनामा खाल्टे गा विकास समितिको वडा नं ६ मा निशुल्क आखा शिविर गर्न लागीएको छ । त्यसैको प्रचार प्रसारको लागी आज खाल्टे जाने अवसर जुर्यो । लियो क्लवका अध्यक्ष नरेन्द्र भट्टलाइ लिएर शनिवारको 

छुट्टि मनाउन लागीयो खाल्टे । म चाही अहिलेसम्म पनि खाल्टे गा वि स गएको थिएन । अरुण खोलाको किनार किनारै अप्ठ्यारो वाटो भएपनि गफगाफ गदै उकालो लागीयो वाइकमा । वाटामा एैँसेलु पाकेर लटरम्मै रहेछ । रोडको तलमाथी नै एैँसेलुको झ्याङ । हामीलाइ नै स्वागत गर्न वसेको जस्तो । धीत मरुन्जेल खादै अगाडी वढियो । आजको शनिवारको यात्रा रमाइलो नै भयो समग्र्रमा ।

केही फोटोहरु जस्ताको तस्तै :

वाटोभरि लटरम्म फलेर पाकेका एैँसेलु

राष्ट्रिय झण्डाको प्रयोगवारे मैले वुझन नसकेको कुरा

–मनिष दुवाडी, धादिङ–

मुलुकको पहिचानका निम्ति पनि राष्ट्रिय चिन्हहरूको आवश्यकता पर्छ । ती चिन्हहरुमध्ये राष्ट्रिय झण्डा पनि एक हो । विश्वमा अनौठो र अरु देशको भन्दा फरक खालको झण्डा नेपालकै रहेको कुरा सर्वविदितै छ ।
नेपाली विकिपिडियाको अनुसार विसं २०१९ पूर्व नेपालको झन्डामा एकरूपता थिएन । झन्डाको स्वरूप त अहिलेको जस्तै थियो । तर मानिसहरू मनलाग्दी ढंगले झन्डा बनाउथे । सरकारी कार्यालयमै पनि फरक–फरक किसिमका झन्डा फरफराइरहेका हुन्थे । कसैले माथिल्लो भागको त्रिभुज लामो बनाउथे त कसैले तल्लो भागको । लम्बाइ, चौडाइ र उचाइमा एकरूपता थिएन । कसैले चन्द्रमा एक ढाँचाको बनाउथे भने 

अर्कोले सूर्य अर्कै ढाँचाको । कतिसम्म भने चन्द्रमा र सूर्यको ठाउमा नाक, आँखा र मुख राखेर झुन्ड्याएका झन्डा पनि देखिन्थे । यत्तिकैमा २०१९ सालमा संविधान मस्यौदा समिति बन्यो । त्यस संविधानको अनुसूचीमा उल्लेख गर्नका लागि राष्ट्रिय झण्डाको प्रयोगवारे यसको लम्बाइ, चौडाइ र उचाइको अनुपात मिलाउन ज्यामितीय सूत्रको प्रयोग गरियो, जुन सुत्रअनुसार अहिलेको वर्तमान राष्ट्रिय झण्डा कायम रहेको छ ।

राष्ट्रिय स्वाधिनताको प्रतिक र पहिचानको परिचायक राष्ट्रिय झण्डाको दुरुपयोग गर्न कोही कसैले पनि पाउदैन । पछिल्लो समय, अझ भनौ लोकतन्त्र आएपछि भने राष्ट्रिय झण्डाको दुरुपयोग वढ्न थाल्यो । जुनसुकै पार्टी पनि राष्ट्रिय झण्डाकै प्रयोग गरेर राजनिति गर्न थाले । नेपालको राष्ट्रिय झण्डाको धेरै दुरुपयोग हुनथालेपछि सरकारले "राष्ट्रिय झण्डाको प्रयोगसम्बन्धी कार्यविधि २०६९" वनायो । जुन २०६९ जेठ २२ गतेदेखि लागु गरियो तर कागजमा मात्र । त्यो कार्यविधिमा राष्ट्रिय झण्डाको प्रयोगमा विभिन्न सातवटा कार्यहरु गर्न निषेध लगाइएको रहेछ । निषेध गरिएका कार्यहरु ससर्ती हेरे  (घ) नं मा यस्तो लेखिएको रहेछ ।
(घ) व्यापारिक प्रयोजनका लागि विज्ञापनको उद्येश्यले राष्ट्रिय झण्डाको दुरुपयोग गर्न पाइने छैन ..................

दश गजलहरु !!!

गजल नं १० : भ्यालेन्टाइन डे को सपना
भ्यालेन्टाइनसंग डेटिङ जाने, सपना मनमा पाले
फोन गरेर वोलाउनलाइ, सय रुपैया हाले

टाढै जाने सल्लाह भो, वाइक लानै पर्यो
पेट्रोल हाल्न भनेर, पानसय खेर पाले

कुन वज्याले धराप थापेछ, फुस्स हावा गयो
पचास रुपैया तिरेर, पन्चर पनि टाले

वल्ल वल्ल वाइक वन्यो, उनले जाउ भनिन
उनलाइ पछाडी राखेर, वाइक कुदाउन थाले

अघि वढ्दै थियौ हामी, फेरी अवरोध भयो
उनको अगाडी हिरो वन्न, २/४ जना ढाले

नव वर्षको शुभकामना !!!

हिजो जस्तो आज त्यस्तै, छैन कुनै हर्ष !
एक वर्ष वुढो वनाउन, आयो नया वर्ष !!

जोस जाँगर केही छैन, देशको हालत देख्दा !
भविष्य नै डामाडोल भो, अन्धकारले छेक्दा !!

सत्तरी साल त्यस्तो नहोस, सुसमाचार आओस !
हर्ष र उमङगले सवैमा बहार छाओस !!

भेदभाव हटोस अव, एउटै रहोस भावना !
सत्तरी साल शुभ रहोस, सवलाइ शुभकामना !!
____________________२०७०/०१/०१

मरेपछि के होला तपाइँको इमेल अकाउण्ट ?

तपाइँले कहिल्यै सोँच्नुभएको छ मृत्युपछि के होला भनेर ? आफु मरेपछि आफ्नो याद कसले गर्ला र ? भन्ने चिन्ता पनि लाग्छ होला । तर अब चिन्ता नगरे हुन्छ किनकी अरु कसैले तपाइँ हाम्रो मृत्युपछिको विषयमा चिन्ता नगरेपनि गुगलले गर्नेछ । गुगलले यस्तो चमत्कारी सेवा सुर गरेको छ जसले गुगल प्रयोगकर्ताका सबैखाले सामाग्री प्रयोगकर्ताको निधनपछि पनि जतन गरेर राखिदिनेछ । गुगलको डिजिटल आफ्टर लाइफ नामको यो सेवाले तपाइँका इमेल, पर्सनल च्याट जस्ता सबै चिजलाई सुरक्षित राख्नेछ जसलाई पछि तपाइँको डिजिटल इच्छाको आधारमा प्रयोग गरिनेछ ।

गुगलले यसका लागि आफ्ना प्रयोगकर्ताहरुसँग यो जानकारी माग्न सुरु गरेको छ की उनीहरु आफ्ना डिजिटल फोटो, डकुमेन्ट तथा अन्य इन्टरनेट सामाग्रीहरुलाई आफ्नो मृत्युपछि कस्तो प्रकारले राख्न चाहन्छन् ? गुगलको यो सेवामा निस्कृय गुगल एकाउण्ट व्यवस्थापकले गुगलबाट जिमेल, यु टοुब तथा गुगल प्लस लगायतका एकाउण्टमा रहेका प्रयोगकर्ताका डाटा माग्न सक्छ । अकाउण्ट डिलिट गरिसकिएका वा धेरै समयदेखि निस्कृय रहेका प्रयोगकर्ताका सामाग्रीहरु मात्र यसमा पर्नेछन् ।