गजल नं १४ : माया लाउन सिकायौ

नाई हुन्न भन्दा भन्दै माया लाउन सिकायौ
सुख मात्र थाहा थियो दुःख पाउन सिकायौ

साझ विहान झम्के साझमा हिड्ने वानी थिएन
तिम्लाइ भेट्ने वहानामा पार्क धाउन सिकायौ

सोझो मान्छे सोझै कुरा लप्पनछप्पन जान्दिनथे
हुदा हुदै आइ लभ यु का भाका गाउन सिकायौ

सुख्खा याममा लाइयो माया, हरीयाली पार्नलाइ
हिउदमा पनि हिलो आली गोरु साउन सिकायौ

हिजोसम्म एक्लै थिए, लठावज्रे चाला थियो
तिमि आयौ मायाको धुरी छाउन सिकायौ
_________________________२०७१/०१/०५